Моладзь БНФ

Навігацыя

	Навіны Дакумэнты й артыкулы Файлы Форум Зваротная сувязь Пошук Напішы ліст Зьмітру Жалезьнічэнку

Сябры

Наша кнопка

	код кнопкі

Моладзь БНФ дапамагае лорду Бэлу ўнутры Беларусі

Моладзь БНФ правяла акцыю інфармаваньня міліцыянтаў. Па ўсіх РАУСах Менску былі разасланыя кнігі-дапаможнікі, выпушчаны АБСЭ для краінаў, якія зьяўляюцца сябрамі АБСЭ. У гэтых Дапаможніках пададзеная інфармацыя, як міліцыянты павінныя паводзіць сябе з грамадзянамі, як і якімі сродкамі мусяць ажыцьцяўляцца затрыманьні. Гэта своеасаблівы маральны кодэкс міліцыянта, які працуе ў краіне, сябры АБСЭ.

Прэс-група Моладзі БНФ 18.08.2008

Далей... ·

Юрась Дзяшук прыняў прысягу на беларускай мове

16 жніўня больш за паўтары тысячы навабранцаў унутраных войскаў Міністэрства Ўнутраных Спраў (МУС) Рэспублікі Беларусь прынялі прысягу на вернасьць Радзіме.

У менскай частцы № 5448 (вул. Маякоўскага, 111) адзін зь першых урачыстых ваенных рытуалаў прайшоў і сябра Моладзі БНФ Юрась Дзяшук. Ён адзін з ліку тых 20 адсоткаў навабранцаў, якія на час летняга прызыву ў дадзены род войскаў ужо мелі дыплёмы аб вышэйшай адукацыі.

Прэс-група Моладзі БНФ 17.08.2008

Далей... ·

Аляксандар Казулін на волі!

З турмы выйшаў асуджаны на 5 з паловай гадоў экс-кандыдат на пасаду прэзыдэнта Беларусі Аляксандар Казулін.

Моладзь БНФ шчыра вітае Аляксандра Казуліна на волі!

Мы таксама заяўляем, што патрабуем вызваленьня ўсіх палітвязьняў, якія былі асуджаныя за свае погляды і актыўную грамадзкую дзейнасьць.

Прэс-група Моладзі БНФ 17.08.2008

Далей... ·

Штраф за бел-чырвона-белы сьцяг

Кіраўніка віцебскай суполкі “Моладзь БНФ”Аляксандра Кузьняцова абвінавачваюць у пікетаваньні пад час мітынгаў, што праходзілі ў Віцебску на Дзень Волі 25-ага сакавіка і 26-ага красавіка на Чарнобыльскім Шляху. Хлопцу пагражае штраф у памеры 6 і 30 базавых велічыняў, што ў агульнай суме складае 1.260.000 беларускіх рублёў.

Распавядае Аляксандар Кузьняцоў: ...

Прэс-група Моладзі БНФ 14.08.2008

Далей... ·

Моладзь БНФ падала заяву на правядзеньне мітынгу "Не вайне!"

Моладзь БНФ адаслала заяву ў Менгарвыканкам на правядзеньне мітынгу ў сувязі з грузына-расейскім канфліктам. Галоўным пасылам мітынгу, які мае быць праведзены 31-ага жніўня на пл. Якуба Коласа станецца лёзунг “НЕ ВАЙНЕ!”.

Мітынг 31-ага жніўня мае на мэце заклікаць міжнародную супольнасьць выступіць у абарону тэрытарыяльнай цэласнасьці Грузыі, спыніць ваенныя апэрацыі, а таксама інфармацыйна-дыпляматычную вайну, раскрыць грамадзкасьці праўдзівыя факты, што прывялі да распачацьця ваеных дзеяньняў на тэрыторыі Грузыі, заклікаць беларускае кіраўніцтва далучыцца да кампаніі гуманітарнай дапамогі ахвярам грузына-асэцінскага канфлікту, як з боку Грузыі, так і з боку Паўднёвай Асэціі і Расеі.

Прэс-група Моладзі БНФ 13.08.2008

Далей... ·

Зьміцер Бяляеў прыняў прысягу ў Гародні ў войсках сувязі (+фотарэпартаж)

9 жніўня ў Гарадзенскай вайсковай часткі № 41780 прыняў прысягу старшыня Смаргонскай суполкі Моладзі БНФ Зьміцер Бяляеў. З усіх прысутных жаўнераў, толькі Зьміцер і хлопец-маладафронтавец з Ліды чыталі тэкст па-беларуску.

Зьміцер падзяліўся сваімі ўражаньнямі ад войска: «Пакуль усё неадназначна. Зь сяржантамі пакуль ніякіх сур'ёзных канфрантацый не было. Адзін хлопец дык увогуле надзвычай добры і пазітыўны».

Прэс-група Моладзі БНФ 10.08.2008

Далей... ·

Алесь Каліта прыняў прысягу ў Фаніпалі ды рыхтуецца да службы ў Лепелі (+ фота)

Старшыня моладзі БНФ Алесь Каліта прыняў вайсковую прысягу на вернасьць Бацькаўшчыне. Словы афіцыйнага ўрачыстага абяцаньня «з годнасьцю выконваць воінскі абавязак, мужна і самаахвярна абараняць незалежнасьць, тэрытарыяльную цэласнасьць і канстытуцыйны лад Рэспублікі Беларусь» Алесь Каліта прынёс на беларускай мове.

Адразу пасьля працэдуры прыняцьця прысягі ў вайсковай частцы ля Фаніпалі Алесь быў пераведзены ў 29-ую зенітную брыгаду, што ў вёсцы Межыцы Лепельскага раёна Віцебскай вобласьці.

Прэс-група Моладзі БНФ 10.08.2008

Далей... ·

Сябры моладзі БНФ рыхтуюцца да прыняцьця вайсковай прысягі

Актывісты моладзевага крыла Партыі БНФ Алесь Каліта і Зьміцер Бяляеў рыхтуюцца да прыняцьця вайсковай прысягі на веранасьць дзяржаве.

9 жніўня а 9-ай гадзіне раніцы ў частцы № 30151, што знаходзіцца побач з горадам Фаніпаль, для навабранцаў, сярод якіх і адзін зь лідэраў моладзі БНФ Алесь Каліта, распачнецца працэдура прыняцьця вайсковай прысягі.

Прэс-група Моладзі БНФ 08.08.2008

Далей... ·

У сядзібе БНФ адкрылася мастацкая выстава "Заснавальнікам БНР" (+ фота)

У Менскай сядзібе Партыі БНФ (пр. Машэрава, 8) пачала працу мастацкая выстава "Заснавальнікам БНР".

У экспазыцыі прадстаўленыя больш за трыццаць твораў беларускіх мастакоў з прыватнай калекцыі кіраўніка клюбу “Спадчына” Анатоля Белага. У ліку аўтараў твораў выставы – народны мастак Беларусі Ўладзімер Стальмашонак, вядомы беларускі графік Мікола Купава, старшыня Згуртаваньня беларусаў сьвету “Бацькаўшчына”, кіраўнік творчае суполкі “Пагоня” Алесь Марачкін і іншыя творцы.

Прэс-група Моладзі БНФ 08.08.2008

Далей... ·

Старонка 1 з 69

	Пампуй 17-ты выпуск газэты «Моладзь БНФ» Выпуск №16 (PDF/3.9 Mb) Выпуск №15 (PDF/0.5 Mb) Выпуск №12 (PDF/0.5 Mb) Выпуск №11 (PDF/0.6 Mb) Выпуск №10 (PDF/1.1 Mb) Выпуск №9 (PDF/0.9 Mb)

Госьць

	Імя Пароль Забыў пароль? Запытай на новы тут.

Пампуй 17-ты выпуск газэты «Моладзь БНФ»